Antwort

Als kleine Jung do sooß ich en dr Klass

Dr Lehrer säät: Steh auf ich fraach dich was

Hä joov uns Pänz per se de Schuld

Schlooch jään mem Stöckche op et Pult

Anfürsich wor hä ne ärme Mann

Weil seine Jlanzzeit jehörte dr Verjangenheit an

Doch dann wood hä läppsch un frööt mich kess

Wat vun NRW de Houpstadt es

Ich sare: Tsjoah dat fällt mer jrad nit en

Et künnt sin dat ich do dä Falsche ben

 

Do mööt mer ens ne andere frore

Ich ben doof ich weiß dat nit

Do mööt mer ens ne andere frore

Einem däm dat besser litt

Mich han se schon ze off belore

Loot mich en Rouh dann simmer quitt

Do mööt mer ens ne andere frore

Ming Antwort die jefällt üch nämlcih nit

 

Ich weiß noch wie et wor om Standesamp

Ich wor nervös dat wor mer unbekannt

Ming eezte Fröndin paatsch noh minger Hand

Se wor e janz klei besje dominant

Ich hatt noch Eierschale hingerm Ohr

Und wie wir wissen niddens Abitur

Dann kohm die Frooch: Bes du bereit

Un dann dat Dinge met dä Ewigkeit

Ich sare: Tschjooh dat fällt mer jrad nit en

Et künnt sin dat ich do dä Falsche ben

 

Do mööt mer ens ne andrere frore

Ich ben Doof ich weiß dat nit.....

 

 

Letztens ovends sooß ich op dr Eck

Met e paar Frönde hingen an dr Thek

E su ene Lallmann nevvenahn

Fung plöttzlich et Doziere ahn:

Türke Asylante un dä janze Schrott

Nemmen uns de Wiever un de Hedge Fongs fott

Die solle blieve do en Irjendwo

Ävver nit he wat meint ihr dozo

Mer saaten: Tssjaa do fällt uns janix en

Et künnt sin dat mir do de Falsche sin

 

Do mööt mer ens ne andere frore

Mir sin doof mir wisse dat nit

Do mööt mer ens ne andere frore

Einem däm dat besser litt

Uns han se schon ze off belore

Jevv Rouh dann simmer quitt

Do mööt mer ens ne andere frore

Uns Antwort die jefällt üch nämlch nit