Stroosseleech us

De Sonn jeht op

Nit jeder hät se dröm jefrooch

Dä blutjunge Daach

Us Jlas wie du

Beim letzte Mol wie ich dich sooch

En lautlose Ahnung

Kloss em Hals

Dann hoot ich nur et wör passiert

Letzte Woch

 

Häs dir für jede Schatte

Vum Räänboge de Solle affjerannt

 

            Barfooss durch die Naach

            Ewije Held für eine Daach

            Barfooss durch die Naach

            Bes us däm Fiebertraum vun Lääve opjewaach

 

Stroosseleech ahn

Vürhäng vür

Schwer op d`r Joldwooch jedes Woot

En heimliche Stimm

En mingem Ohr

Wöre mer nit hätte mer doch

Dann wör hä noch

 

Doch künne Engel schloofe

Wenn dä Düvel alle Käätze brenne lööt

 

            Barfooss durch die Naach

            Ewije Held für eine Daach

            Barfooss durch die Naach

            Bes us däm Fiebertraum vun Lääve opjewaach

 

Wie künne Engel schloofe

Wenn dä Düvel alle Käätze brenne lööt

 

            Barfooss durch die Naach

            Ewije Held für eine Daach

            Barfooss durch die Naach

            Häs Rotz un Wasser jelaach

            Jradus durch die Naach

            Stunds zwische zwei Füür ungerm Daach

            Barfooss durch die Naach

            Bes us däm Fiebertraum vun Lääve opjewaach