Brillis op dr Brill

Zo vill Sonn dat es kei Wedder

Zo vill Meet - Portemonnaie geschreddert

Stadtrand - koum einer lääv noch wo hä will

 

Wie lang künne mir`t noch maache

Wie lang simmier all am laache

Top Ten - dä Res kütt op dä Jrill

 

Kölle du schöne bunte Jade

Bes verkumme zum Selvsbedienungslade

Mer bruchen he kein Taliban su lang mir kölsche Schnäuzer han

Un et räänt wie et räänt wenn et räänt

Un em Fernsehn weeden Clowns jesäänt

Trohne vum Himmel nett beleuchtet

Un schon sin et Brillis op dr Brill

 

Privatjets sin sich am vermehre

Wie willsde dat dann noch erkläre

Dä Mamm die für ne Euro putze muß

 

Un Kreech dä keine interessiert

Als Friedensmission notiert

Houpsaach de Soldate trenne ihre Müll

 

Wiesu es jede blöde Rockstar

Su stolz op e Bild me`m Dalai Lama

Wat es schlimmer: Politik, Showbiz, Doofheit oder Arrojanz

 

Un et räänt wie et räänt wenn et räänt

Un em Fernsehn weeden Düvel jesäänt

Trohne vum Himmel nett beleuchtet

Un schon sin et Brillis op dr Brill

 

Flatrate schwaade suffe schwaade

Klein Lück han nix mieh zu erwaade

Wat e Pech für Bildung jiddet jar kein Pill

 

Klingeltön un Parksensore

Ewije Boustell Flexfolklore

He heller et noh usse jlänz je mieh Lück lääven usem Müll

Schwippschworer ihrenhafte Frönde

Bichte en dr Sauna für de nächste Sünde

Off han ich dat Jeföhl he en dä Stadt es jeden Daach dä 1. April

 

Ming Strooss ne Blick vun dir un Musik

E Jlas Wing un ich han Brillis op dr Brill

Jevv mer vill Brillis op dr Brill