Manni steht tapfer op d`r Thek

Un määt ne Spot met ner Täschelamp

Dä Lade es hück rappelvoll

Dat heiss: wick övver dressich Mann

En dreikommafünnef Volt Rampeleech

Badet Mireille Matthieu

Un prüf ob die Pürk noch richtich sitz

Un hauch durch de Nas: adieu

 

Dieter hät hück Jebootsdaach

Un marlies hät ihm en kleine Trieneschow jeschenk

Met veezich wollt hä längs fott he sin

Keiner merk him ahn wat hä hück denk

 

Un hä zapp et Kölsch am Meter

Un jedes fünfte es für ihn

Un wenn hä jenooch Kölsch em Schädel hät

Dann sumb hä vür sich hin:

           

            Formentera

            Irjendwann kumm ich für immer her

            He jiddet keine Driss am Schoh

            He jiddet nur Sand am Meer

 

Manni weed blass un ruud zejleich

Hät jrad jehoot dat hä Vatter weed

Usjerechnet vum Kääl vun singem Fisterlom

Dä jetz drusse op ihn waaden däät

Spot ahn Manni die Show muss wiggerjonn

Et Marylin es dran

Un Miss Piggie pudert sich ihr Stupsnas wund

Un Kermit hät jetz ald et Flutleech ahn

 

Un hä zapp et Kölsch am Meter

Un jedes dritte es für ihn

Un je mieh Kölsch hä em Schädel hät

Je lauter sumb hä vür sich hin

 

            Formentera

Irjendwann kumm ich für immer her

            He jiddet keine Driss am Schoh

            He jiddet nur Sand am Meer