Do`s keine Päffer mieh en minge Frikadelle
Dobei hann ich se doch wie immer jemaat
Die zwei Kläävbotze hinge sin am belle
No`m letzte Kölsch dat ich ald lang jebraat
Et Lis es vür 2 Mohnd jejange
Un ich hann och jetz ne trockene Wing
E besje Kuns hät se noch opjehange
Do wo fröher et Sparkässje hing
Se sin mieh Lääve
Se sin minge Duut
He die 4 Wäng
Patinajääl un ruserut
Ming verdammte joode ahle 4 Wäng
Dä Mond kann et Wasser koum halde
Un et jitt Daach vermiss ich dat Wiev
Ich künnt jo en Brück zo ihr baue
Ävver dat Tal zwischen uns dat bliev
D´r Lu drink en d`r Woch nur us Dose
Mieh es für ihn nimmieh drin
Un et Rüsje danz vürm Speejel om Damenklo
Un singk en ihr Hoorböösch erin
Se sin mieh Lääve
Se sin minge Duut
He die 4 Wäng
Patinajääl un ruserut
Ming verdammte joode ahle 4 Wäng
Die Finsterschieve
He en dä Bud
Hann sick Johre dä jraue Star
Kundenfreundlich
Knietiefdiskret
He weed keiner jet jewahr
Se sin mieh Lääve....
Ävver jlich wenn die Kläävbotze fott sin
Weed schnell d`r Riejel vürjemaat
2 Veterano un die Aanlaach op 11
Un dann zum Rüsje am Spillautomat
Un dann waggelnse noch ens
Su wie et sich jehööt
He die 4 Wäng
Laut rieselt dä Putz
Bes de Sonn opjeht
He`n dä verdammte joode ahle 4 Wäng
Se sin mieh Lääve...
