(T.&M.: Gerd Köster, Frank Hocker, Jürgen Becker)

 

Hä säät für mich saach ens

Dat es en dumm Saach

Saach bloss saach ich do säät hä

Ich hätt versaach

Ich sare für ihn

Saach die Saach es nit wohr

Un wie mer su säät säät hä

Wat sääs du do

 

Ich sare dat es sozusare Verzäll

Dat han ich doch su nit jesaat

Säät hä schnell

Ich han dat doch nur su jesaat säät hä

Ich sare ejal wat du sääs ich saach nä

 

            Wat solle mer spreche

            Eins es doch jewiss

            Ich sare wie et es

            Et es sarenhaften Driss

 

Dat saatsde jo säät hä

Un watte nit sääs

Dat es nit jesaat saach ich

Wat du do sääs

Hä säät dat häs du nit ömesöns jesaat

Pass op wat du sääs saach ich

Du Nühmaatskraat

 

            Wat solle mer spreche

            Eins es doch jewiss

            Ich sare wie et es

            Et es sarenhaften Driss

 

Ach wat ich noch sare wollt

Ming Saach es dat nit

Dat sääs du su säät hä

Ich saach saach dat nit

Un övverhoup saach ich

Saach bes du bestuss

Dat kammer wohl sare

Säät hä un Schluss