Et es Windmühlenalarm en mingem Land

Et waassen Hörner us d`r Ääd

Un us d`r Wand

Un die Spatze op dä Däächer

Laache mich us

Et es Windmühlenalarm en mingem Land

Anfang Aujust                       

 

Dä Champagner us dingem Schoh

Schmeck plötzlich wie Novemberrään

En schwatze Wolk us Schnee vun jestern

Verfinstert langsam unsre Stään

 

Et es Windmühlenalarm un mit jedem Mol

Stonn ich mieh unger Beschuss

 

            Un die Hoor op dinge Zäng

            Sin jäje minge Strich jekämp

            Fraue stonn op zweite Sieger

            Un jonn dann met dä eezte fremb

 

Un die schlofende Hüng

Han schlääch jedräump

Un die dollwödije Wölf

Hängen vun de Böum

 

Et es Windmühlenalarm

Zwesche dinge Auge klääv minge letzte Kuss

 

            Un die Hoor op dinge Zäng

            Sin jäje minge Strich jekämp

            Fraue hänge an zweite Sieger

            Un jonn dann met dä eezte fremb

 

Et e Windmühlenalarm en mingem Land

Wie deef bin ich jesunke

Vun dinge Ärm en ding Hand