Bolide em Stau

 

      Bolide em Stau

 

Ich setz om Sofa jemütlich un weich

Vür mir paar Reste Tiefkühlpizzateig

Em Fernsehn weed jekoch

Vorbei es die Woch

Oder es och schon de nächste am Eng

 

Fußbodenheizung en minger Jaraasch

Dir soll nix fähle für dich nur first class

Du bes kein Hex

Su wie ming Ex

Du häs Jeföhl jede Meng

 

Kumm Schatz spring ahn

Schnell Schatz op de Bahn

Bring mich he fott - fahr en et Blau

Zo all dä Bolide em Stau

 

Saach wat de wills Jung die Welt es en Schiev

Lück fallen runder un däut dä bliev

Wenn de nit weiß

Nit weiß wohin

Es et ejal welche Strooss do dann nembs

 

Ich setz jemütlich vür mingem Bier

Promidinner - ich kenn keine vun dä vier

Ich dräume nie

Vun Königsdorf

Un Königsdorf dräump nie vun mir

 

Kumm Schatz spring ahn

Schnell Schatz op de Bahn

Bring mich he fott fahr en et Blau

Zo all dä Bolide em Stau

 

Dreimol de Woch en de Wäschstrooss eren

Auto do määs mich verdötsch

Eimol em Mohnd et Döchterche sinn

Dat erkennt mich an dä Hup un däm Blötsch

 

Kumm Schatz spring ahn

Schnell los jonn op de Bahn

Bring mich he fott fahr en et Blau

Zo all dä Bolide em Stau