Dat hat hä nit jekannt

Kunnt hä d`r Bagger nit halde

Soossen drei Männer beim Skat

Moot dat Spill kommentiere

Hätt sich ne Wolf jeschwaad

                       

Kohm lecker Kölsch ahnjeflore

Platsch maat et op singer Steen

Hing singe Schnäuzer op Halvmast

Saat dä Weet: Auf Wiedersehn

 

            Dat hat hä nit jekannt

            Do wor schwer jeschock

            Do hat sich verrannt

            Et sich selver enjebrock

 

Hatt de Bläff opjerisse

Vür Junge die nit jekannt

Wor met Reibach am strunze

In Wirklichkeit schwer affjebrannt

 

Kohmen zwei Füüss ahnjeflore

Platsch saat dodrop sieh Jeseech

Nohmen se sing letzte Jrosche

Hatten jedaach wör frisch

 

            Dat hat hä nit jekannt

            Do wor schwer jeschock

            Do hatt sich verrannt

            Do jov et op de Jlock

 

Kräät hä kein Zäng usenander

Wor sing Frau ihm durchjebrannt

Kunnt singe Schwaad nimmieh hüre

Looch jetz an irjendnem Strand

 

Kohm lecker Schnaps ahnjeflore

Platsch maat et en singem Hals

Wor ihm de Zung enjefrore

Däät ihn och keiner jet frore

Hatt se ze off belore

Stund hä janz plötzlich em Wald

 

            Ja dat hat hä nit jekannt

            Do wor nit op Zack

            Do hat sich verrannt

            Dat hät ihn affjefuck

            Jo dat hat hä nit jekannt

            Do wor schwer jeschock

            Do hat sich verrannt         

            Dä Boge övverspannt

            Et sich unerhört konstant

            Selver enjebrock