Der Märchenprinz

O teure Madam

Du sööks ene Mann

Wie hättsde `n dann jään

Als Stier oder Lamm

Klammeraap oder Mösch

Läpsch oder verdrüsch

Als Tiger im Bett

Oder Bien en d`r Küch

 

            Der Märchenprinz jrienlaach

            Der Märchenprinz wood

            Vun all däm verschohnt

            wor nur jeklont

 

O holde Komtess

Du jiss mir dä Ress

Ich klopp Therapie

Jeheime Address

O edle Komtess

Mieh Hätz hätt die Pess

Klopp unger Protess

Wenn du mich verläss

 

            Der Märchenprinz jrienlaach...

 

O gütiges Weib

Ich hann mich befreit

Vun Starrsinn un Stolz

Wie du prophezeit

Luur nie mieh noh Röck

Un stoppe ming Söck

Bin janz jeck op Pänz

O kumm doch zoröck

 

            Der Märchenprinz jrienlaach....

 

Se säät mir et leef nix

Et hätt keine Zweck

Ich wör jo ne Leeve

Ze leev für ihre Respekt

Et däät ihr jo leid jetz

Wo ich Fortschritte maat

Us mir künnt noch jet weede

Jo dat hät se jesaat

 

            Der Märchenprinz jrienlaach....