Et räänt em Aujus

Wor dat jrad en Kirchejlock

Kann nit sin, `t es 3 Uhr naaks

Un dä Wind he drin kann och nit sin

Ich hatt alle Finster zojemaat

Keiner jeht an`t Telefon

Nur dä Tom hät op bes vier

En e Taxi rin, frööt wohin

Ich saach: Fahr zur Hölle un knall die Düür

 

 

Un ich hoff dat se offe blieht

die kleine Pump en minger Brust

Och wenn et räänt em Aujus

                       

Wiesu sinn all ming Frönde us

Wie Jratisberater op Astro TV

Dä Tom bejröss mich met nem Witz

Övver ne Tierarzt un sing Frau

Ich saach: Maach de Musik laut ich will nix mieh hüre

Et janze Lääve es ahnjebore

Un Leeder die jeder metsinge kann

Sin jelore

 

Un ich hoff dat se offe blieht.....

 

Wat es los mit mir

Wat soll weede

Hann ich die Wolke nit jesinn

Ich hüre nur Karl Valentin:

Et es alles schon jesaat

Nur noch nit vun jedem

 

 

Halver sibbe dä Heimwääch treck sich

Su lang un berchop wor dä noch nie

En jriese Katz putz un leck sich

Zwesche ner Schiev un ner Jalousie

Brüütche holle, die Bäckersfrau säät:

Ihr sidd jo klätschnaass, saach, wollt ehr ne Grog

Ich saach: Et räänt doch janit un et blös keine Wind

Oder hürt ehr he en Kirchejlock`?

 

                        Un ich hoff dat et offe blieht

                        Für wä och immer en minger Brust

                        Och wenn et räänt em Aujus