Hingerm Firmament

Hingerm Firmament

Bei jeduldijer Sonn

Hann ich mieh als e Lääve

Öm dich zu verstonn

 

Hingerm Firmament

em weiche Stääneschnee

Ne kleine Jung en nem Böötche

Op nem deefblaue See

 

 

Die Uhr steht op Null

Dä Daach om Tablett

Un dä Naakswind nemp

Die Erinnerung met

 

 

Hingerm Firmament

En nem Vollmondwald

Weed ich dich finge

Bevür e Woot verhallt... 

                         

Hingerm Firmament

Es dä Sching jedämpf

Kritt jeder nur e övverschaubar

Extrawööschje met Sempf

 

 

Kumm Kummer kumm

Kummer kumm her

Biess dir die Zäng an mir us

Un dann jangk en et Meer

Hingerm Firmament 

Op ner duftije Wies

Es vill winnijer verbodde

Als em Paradies

 

Ungerm letzte Hemb

Weede Knoche jetuusch

Hann ich mich nevven dir

Dis Naach beim Häute beluusch