Jott es en nem Meeting

 

Dr Lehrer saat: Jangk en de Kirch

Schön jeden Donnersdaach

Dann krisde vun mir doch noch en 4

Jung dat wör doch jelaach

E Dreiveedelstündche op de Knee

Dofür kein Hausaufjab

Dann sching mer fair dat pass mer sehr

Un em Jebetbooch Donald Duck

 

Noh dä Mess dä Paaf jefrooch:

Wo es dä jute Mann

Ich wollt ihm danke - höchstpersöhnlich

Do blaff dä Paaf mich ahn:

 

Jott es fott - es jrad fott

Jott es en nem Meeting

Fott janz wick - hät kein Zick

Jott es en nem Meeting

 

50 Johr es et jetz her

Wie dr Ralf Meßdeener wor

Hand om Knee - Zöllibat adé

Un däm Ralf wor nix mieh klor

50 Johr Muul affjeputz

Un alles raffjeschleck

Dann kräät plötzlich Woot un dat wor joot

Un et wood och höchste Zick

 

Dann hät dä Ralf dä Paaf jefrooch

Wo es dä jute Mann

Ich wollt ihn jet frore - höchstpersöhnlich

Do blaff dä Paaf ihn ahn:

 

Jott es fott - es jrad fott

Jott es en nem Meeting

Fott janz wick - hät kein Zick

Jott es en nem Meeting

 

50 Johr Amnesty

Kundjebung am Dom

Für`t Menscherääch weltweit un he

En Sysiphus Aktion

Ne Staatssekretär hält jrad en Red

Övver Folter un Skrupelverlust

Doch do dröhne de Jlocke datte nix mieh verstehs

Jo met Folter kennt de Kirch sich joot us

 

Dann wood förmlich nohjefrooch

Wat määt dä jute Mann

Dat kann doch nit en singem Sinn sin

Do säät dä Mann vum Dompfarramp:

 

Jott es fott - es jrad fott

Jott es en nem Meeting

Nit für üch - abkömmlich

Jott es en nem Meeting