Kopp en d`r Sand

(Orig.: Heartattack and vine, T.&M.: Tom Waits)

 

Dä Lenz es do die Jedanke sin frei

Ävver denk nit ze laut

Dat jitt nur Expliziererei

Dä Scharly hät en kugelsichere Nasenscheidewand

Ming Nerve jöcke lichterloh

Minge Kopp will en d`r Sand

 

Dä Mick dä häut dat Lis bahl jeden Daach an et Ohr

Ävver saach et keinem wigger

Die zwei hann Militärzensur

Die sin beids bei ihrem Bichbap

Dousend Rusekränz em Brand

Ming Nerve jöcke lichterloh

Minge Kopp will en d`r Sand

 

Luur wie alles blüht luur wie alles flupp

Luur wie alles brenne kann em Rubbedidupp

„Wie du stehs eez jetz op ??“

Ich saach „Ich levv em Ovendland

Un ming Nerve jöcke lichterloh

Minge Kopp will en d`r sand

 

Un dat Biggi hätt en Krise weil ihre Puddel hät dä Pips

Ejal wat ich däm Udo sage

Ich tritt ihm immer op dä Schlips

Weil singe Benz fährt jetz ömlackiert

En nem andre Land

Un sing Nerve jöcke lichterloh

Singe Kopp will en d`r Sand

 

Un dä staatse jraue Panthe hadden jään

Jet Fleisch vum Kalv

Un die Lolitas lötsche Fröhling

Ävver traue sich nur halv

Die neu Rakete treffe sauber

Un ming Dräum sin unbemannt

Ming Nerve jöcke lichterloh

Minge Kopp will en d`r Sand

 

Maach kein Schau wäje däm Deckel

Un dummer noch en Fläsch

Du weiss wenn ich jekunnt hätt

Hätt ich ziggisch affjekäsch

Du weiss dä nächste Eezte

Es en Schlang em Kningsjewand

Ming Nerve jöcke lichterloh

Minge Kopp will en d`r Sand