Met Fremde kein Verdrääch

(Orig.: I never talk to strangers, T.&M.: Tom Waits,

Duett mit Marion Radtke)

 

Saach nix nä ich kumm noch drop

Ich mein ich hätt dich ald jesinn

Vielleich lijje ich och falsch

 

Ävver ich sinn jrad jenau su us

Wie dat wat du ens jään jehatt

Ävver dat es janz lang her

Jläuvs du em Äänz ich fall op dinge Schmus erin

He Jung ich bin kei Kälvje mieh

Un övverhoup hann ich met Fremde kein Verdrääch

 

Ich bin keine Schläächte

Wenn du mich ens kenns

Ich daach nur et wör nix dobei

 

Jo kumm schwaad mir he kein Blos an`t Ohr

Wä frööt dich noh d`r Uhrzick

Du un ding verdröschte Spröch

Un övverhoup hann ich met Fremde kein Verdrääch

 

Dieh Lääve es en Boustell

Du bis jenau wie jede Kääl

Dieh Leevje es affjehaue

Un du sööks en wärme Fott

 

Nä Kind wat du nit all weiss

Ävver du bis och op Ies

Denn söns wörs du jo nit he

Jo nur Verdötschte fange Füür

Vun völlich Fremde

 

Die sin all ejal die janze Fremde

Kann dat sin dat du dich verdeis

Ich kenn die janze Jejend he em Schloof

Jo jetz wo du`t sääs

 

Denn mir all sin völlich Fremde

Su lang mir övversinn

Dat mir ahnfange als Fremde

Bes mir dann eez verstonn

Mir sin doch ald lang kein Fremde mieh