Ömwääch heim (Original: Long way home - Tom Waits/Kathleen Brennan)

 

Ben jefladdert öm de Hüser

Jeschnorchelt en dr Naach

Jestolpert un jesejelt

Ming Fööss huh övverm Daach

Un mi Hätz hatt mieh Doosch

Als et jemols drinke kunnt

Verjevv mer mi Mädche ich kannt immer nur dä Ömwääsch heim

 

Do woren Ozeane voll Zick

Kein Strudel em Fluß

Dat besje Jeld wor für ze werfe

Usem Kellerfinster rus

Un de Zukunf wor ne Jeist

Nie jesinn ävver vill vun jehoot

Ich liebe dich mi Mädche doch ich kenne nur dä Ömwääch heim

 

Mir han Esse om Desch

E Daach övverm Kopp

Un ming Fööß sin jetz om Teppich

Nur de Finster sin op

Un dä Wind fauch leis eren

Un klingk fas wie de Lorelei

Eins es secher mi Mädche `t jitt immer noch dä Ömwääch heim

 

Ich liebe dich mi Mädche

Hatt ich dat schon jesaat

Ich han och schon jelore

Nit vill für`n kleine Kraat

Kumm met hinger dat Patyleech

Do un ich am Eng allein

Kumm met mir mi Mädche mir zwei jonn dä Ömwääch heim

Kumm met mir zesamme nemme mir dä Ömwääch heim