Salz en mingem Hätz

Manchmol dräum ich

Mieh Lääve wör nur ne Film

En däm ich nur spille will

Ohne Regisseur

 

Un dann mööt ich

E paar Szene janz anders hann

Un merk dat ich janit anders kann

Wat mich leich verstört

 

            Alter Ego AGs

            Täschetrick-Fijure

            Wiess sin die Fingernääl

            Jrau es dat Jesetz

            Hann ich noch dä Humor

            Öm all die Film ze luure

            Ich zälle op dat

Salz en mingem Hätz

 

Huhsommerwolke

Äschjrau un zig Tonne schwer

Wie lang es et jetz wohl her

Dat mir em Rään poussiert

 

Engelsstimmche

Irjendwo usem Hingerhoff

Su schön singk mer nur wemmer hoff

Dat et keiner hürt

 

            Et jitt kei Liebesleed

            Dat mir nit övverduure

            Un kein Wanz die uns stopp

            Och wenn  se noch esu ätz

            Ich han kein Flüjele

            Ävver ne Satz Ohre

            Un wat ich jrad hür jitt dat

            Salz en mingem Hätz

 

Gnadedröppche

Op fass övverhitzte Stein

Un immer met einem Bein

En mingem Fantasy Film

 

Wuschelköppche

Dä Klein leck singe Teller aff

Un singe Blick sorch für dat

Salz en mingem Hätz