Spille jonn

Janix es ömesöns alle hät singe Preis

Un jeder es schuld dran bes zum Jäjebeweis

Kippfijure am Paddel en nem vill ze jroße Kahn

De Wann läuf övver un de Milch brennt ahn

 

Keine Blick ohne Botschaff kale Charme em Jeseech

Ich sinn mieh Brille als Auge un en dr Naachcreme en jröne Fleech

Un wenn ens jet Rouh es klingk dat wie`n Alarmsiren

Kein Luff kei Wasser ohne hätzensjode Mäzen

Ich sejel vum Balkon jedrare vun nem Song

Kumm lo`mer spille jonn

 

Scheinriese kumme nöher naaße Blädder em Hoor

Fröher wor immer alles besser weil mer do jünger wor

Klein Männer han Kanone un Amor nur ne Pfeil

Dat Joode es zum Jähne un dat Böse immerjeil

Ich sejel vum Balkon jedrare vun nem Song

Kumm lo`mer spille jonn

 

Hey Schatz wat jeht hück noch loß alles stonn

Es dir nie opjefalle wie ignorant ich ben

Kumm lo`mer spille jonn

 

All han zo allem en Meinung un spreche all zur selve Zick

Wo sin de nähkste Feinde mir weed et Bloot ze dick

Alle Tricks sin verrode Magie es nur en Tabell

Un die am lautste bedde kummen och nit fröher en de Höll

Ich sejel vum Balkon jedrare vun nem Song

Kumm lo`mer spille jonn