Spidolsjeck

Kumm mer jonn jet spingkse beim Spidolsjeck

Wat sich rentreck

Es met Weihwasser jedüngk

 

Kumm mer bringe Blömche nohm Spidolsjeck

süht jet blass us

Sick nur Weihwasser drink

 

Deefschwatz jrins dä Düvel

Frisch jestriche vun singer Wand

Un stopp die Blömche en sieh Tintefaass

Met däm Trauerfloor dran

Un stich die Jraavkääze ahn

 

Kumm mer bringe Nöss noh däm Spidolsjeck

Dat sich de Zäng bleck

Die Nöss kritt nit jeknack

 

En dä Nöss sin dicke schwatze Spinne

Un en dä Spinne

Es ne Sensemann em Frack

 

Däm Düvel waasse rude Bäckche

Un kratz sich jrienend am Hoot

Un pack die Nöss en sing Botterstölp

Met däm Dudekopp dran

Un stich die Jraavkääze ahn

 

Nächste Sonndaach jommer nohm Spidolsjeck

Op däm Kirchhoff

Un werfe Nöss op sieh Jraav

 

Doch zo jiftich es die Ääd für dä Spidolsjeck

Su dat sich huhtreck

Für uns steht un singk: Alaaf

 

Düvel kritt jraue Hörner

Un kratz sich verläje am Hoot

Un luurt op die Nöss met dä schwatze Spinn

Un däm Sensemann drin

Un pack die Jraavkääze en