Urlaub

Koote Botz wiesse Socke un Sandale

Freizeithemd jebüjelt viele Male

Betonschnäuzer naturbelassen

Gesamterscheinungsbild: nicht zu fassen

En Minolta em Kunstlederjesäässminoltahalter

heiss wahrscheinlich Walter

 

Feincordbotz Mocassins dezent

Spätherbstkräuterbedrucktes Hemd

Freundschaftsbändchen Strandliteratur

Spätromanische Architektur

Vermutlich Birkenstock-Strapse natürlich us Jute

Se heiss höchstwahrscheinlich Ute

 

            Un d`r Fluss dä jlänz em Sonnesching

Ach künnt nit ewich Urlaub sin

 

Drei Dööchter die han se em Jepäck

Die sitzen schön op einer Deck

Tief depressiv em Kies am scharre

Un op die Pänz em Fluss am starre

Bloss nit en et Wasser aus Gründen der Hygiene

Se heissen hundert pro alle drei Marlene

 

            Un d`r Fluss dä jlänz em Sonnesching

            Ach künnt nit ewich Urlaub sin

 

D´r Walter schnapp sich sing drei Marlene

Un quetsch se vür`m Pont du Gard en Szene

Deit sing Minolta usem Halter entferne

Un säät: Lächeln ! Ja das müsst ihr noch lerne

Jequälte Jeseechter fröndlich verrenk

Domet de Oma ze Hus nix Falsches denk

 

            Un d`r Fluss….

 

Jetz hät d`r Walter wahrhaftich doch sing Socke

(die wiesse) un de Sandale usjetrocke

Un es dobei en d`r Fluss ze jehn

Bes an de Knöchel Fun-Faktor zehn

De Pänz drömeröm han ihre Spass

Doch leider spritz ihn keiner naass

 

            Un d`r Fluss...

 

D`r Walter dä luurt jetz op de Uhr

Och et Ute hät jenooch Kultur

Marlene 1 hät 2 un 3 jeschnapp

Un sich dann selver enjepack

Do hann se dann en knappe Stund jesesse

Se müsse jetz wahrscheinlich esse

 

            D`r Fluss noch immer einwandfrei

            Bald ist auch dieser Tag vorbei