Wärm Bier & köhl Wiever

(orig.: warm beer & cold women, T.&M.: Tom Waits)

 

Wärm Bier & köhl Wiever

Keine Jrund he ze blieve

Jede Kaschämm en dä ich jewäse bin

Es jenau wie die dovür

All die lässije Klaafmüül met Kabänes Longdrinks

Un schale Annekdötche

Luur ming Fööss schlofen en

 

Un dat Käätzewachs Blondie

Un dä Sargnagel Fuss

Ich drinke nur öm dich ze verjesse

Kumm Tommi rück noch en Kipp erus

Un vum Band läuf Lionel Ritchie

Dat es jenau dä selve Stuss

Un die Rund he die jeht op mich

 

All dat wat ich saat driehten sich nur öm dich

Ich muss dä Weet schwer jenerv hann

Ävver dat es singe Job

Affjebrööt esu ze dunn

Als ob zohüren däät

Jedenfalls bin ich alles losjewoode

Wat mich fädichmäät

Un dä Mond jrins durch de Wolke

Et weed höchste Zick

Ich bin noch nit voll jenoch

Ävver ich hann et nit mieh wick

Un die Rund he jeht op mich

Un die nächste Rund och

He em allerletzte Baggerloch

 

Wärm Bier & köhl Wiever

Keine Jrund he ze blieve

Jede Kaschämm en die ich jefalle bin

Es jenau wie die dovür

All die lässije Knallköpp met Kabänes Longdrinks

Un Express Widderkäu

Luur ming Fööss schlofen en

Un dat Kätzewachs Blondie

Un dä Sargnagel Fuss

Ich drinke nur öm dich ze verjesse

Kumm Pitter rück noch en Kipp erus

Un vum Band läuf Whitney Houston

Dat es jenau dä selve Stuss

He em allerletzte Baggerloch