Nä wat wor dat schön
Om Jebootsdaachsfess vum Franz
Selvs uns Käätzemöhn
Hät puddelrüh om Disch jedanz
Stekum kohm de Blöh
Säät: Ruhe oder Einzelhaft
Ahnjeroofe wör
Vun einem us d`r Nohbarschaff
Longerich bes Bayendaal
Blötschköpp jidddet övverall
Un jönne keinem jet
Höhenhaus bes Habbelrath
Em eijene Saff ze heiss jebad
Wäje däm solle mir all fröh en`t Bett
Jedesmol wahnsinnig weede
Et es jo falsch doch jedenfalls
Krijjen ich ne dicke Hals
Jedesmol wahnsinnig weede
Krareknopp auf Widersehn Puls 210
Nä wat wor dat stark
Ich daach ich wör em Paradies
Met däm Lis em Park
Stekum kohm de Jääsch
Säät: Hat ihr dann doheim kei Bett
Dreckspack maat üch bloss he weg
Longerich bes Bayendaal
Blötschköpp jiddet övverall
Jönne keinem jet
Höhenhaus bes Habbelrath
Em eijene Saff ze heiss jebad
Wäje däm sollich hück fröh en`t Bett
Jedesmol wahnsinnig weede
Et es jo falsch doch jedenfalls
Krijjen ich ne dicke Hals
Un zwar vum wahnsinnig weede
Vum immer wieder wahnsinnig weede
Krareknopp auf Wiedersehn Puls 210
Sinnersdorf bes Süd-Ost Poll
Alles kusch wäje einem Doll
Wäje einem Schwerverdrüschte
Lebenszeit wird ausjenutzt
Saach däm Doof et jing bes morje fröh
Vollkommen wahnsinnig weede
Hätzattack Verstand steht still
Nebel op d`r Brill
Richtich lecker wahnsinnig am weede
Wenn niddens mieh de Blöh ihm hilf
Puls 211
Do lossen doch wahnsinnig weede
Dä Finsterpützer em April
Dä putz ihm dann de Brill