Jlöhndije Fäjer

 

Ich wor ne jlöhndije Fäjer met lange schwatz jelockte Hoor

Ich hatt jede Pralin die nit bei 2 om nächste Boum wor

Un et joov off op de Schnauz un noch schöner wor dat Bierche donoh

 

Ich hatt ene feuerjääle Capri für sarenhafte 18 Mill

Nur nevvenbei: 18 Mill sin hück locker 10mol su vill

Domols wor dat met däm cash flow noch e janz ander Spill

 

Ich wor ne jlöhndije Fäjer met lange schwatz jelockte Hoor

Ich hatt jede Pralin die nit bei 2 om nächste Boum wor

Un et joov off op de Schnauz un noch schöner wor dat Bierche donoh

 

Ich hatt domols die allereezte projressive Disco en dr Stadt

Do woren all die supersteile Schöss och vun dr Schmier hatt ich Kunde satt

Un dann broot ich dringend Urlaub - verdamp dä han ich jehatt (Bad Ossendorf)

 

Ich wor ne jlöhndije Fäjer met lange schwatzjelockte Hoor

Ich hatt en Brus wie Sylvester Stallone en de 70er Johr

Ich moot janit jroß knalle dä Respek wor einfach do

 

Jetz verkouf ich Bio Schnitzel vun einmalig jlöckliche Säu

Et jitt noch immer jenoch Lück die jläuven einfach jede Käu

De Houpsaach et steht Bio drop dä Res es toi toi toi

 

Jetz jonn ich an de Börse do sin noch echte Junge dobei

Die han vür janix Angks do läuf noch echte Maggelei

E besje Schwund es immer ejal de Houpsaach es do bes dobei

 

Ich ben ne jlöhndije Fäjer met jraue steil jejelte Hoor

Ich han Jeschieden jehatt su vill dat es bal janimmieh wohr

Un die Ex vun mingem Anwalt määt jetz minge Haushalt klor

Sha la la la la sha la la la la la la ......