Mer muss och ens Pech han

 

Eimol wood mer de Zick jet lang

Ich moot e neu Kickche han

Vum Paragliding un Extasy hatt ich de Faxe dick o Mann

Ich hatt mer jet usjedaach

Eez han se mich usjelaach

Un jetz es et plötzlich für all dä steilste Trip

 

Beim Falschirmsprung e Tattoo steche loosse

Am beste Che Guevara op de Steen

Dä Tattowierer wor nervös jetz han ich Claudia Roth vürm Jeheen

 

Mer muss och ens Pech han

Nit nur dä Paps en dr Täsch han

Dat blieht wohl noch lang esu wenn et nit anders weed

Mer muss och ens Pech han

Do luurste blöd us dr Wäsch Mann

Ich rääch mich ald lang nimmieh op dofür ben ich vill ze affjebröht

 

Letztens fung ich et Dräume ahn

Övver wat mer all versäume kann

Vür 40 Johr dä Schoss en minger Klass dä wollt ich unbedingk als Freundin han

Ich hatt mich nit ranjetraut

Weil ich wor schüchtern un noch koum versaut

Wenn ich se hück noch ens trööf wä weiss wat köm

 

Un wie ich dann öm de Eck jeschliche kohm

En Jedanke jet liebestoll

Do steit se tatsächlich do vür mingem Auto un schriev mer en Knoll

 

Mer muss och ens Pech han

Nit nur dä Paps en dr Täsch han

Dat blieht wohl noch lang esu wenn et nit anders weed

Mer muss och ens Pech han

Do luurs de blöd us dr Wäsch Mann

Ich rääch mich ald lang nimmieh op dofür ben ich vill ze affjebröht

 

Ich hür mer dauernd dat Jewäsch ahn

Vun denne die anjeblich Pech han

Je besser se dran je mieh Jlöck se han ömsu mieh weed jekühmp

 

Jung pass bloss op dat de die die wegjemobb häs

Op dingem Wääch de Leider erop

Nit widdertriffs wenn de fääls un bells un keiner fängk dich op

 

Jo mer muss och ens Pech han

Och ens en Fuus en dr Täsch han

Wat nötz dä janze Rään wennde keine Jade häs

Mer muss och ens Pech han

Zum Beispiel nix en dr Fläsch han

Minge Schutzengel es nit duut nur en dr Muckibud