Dousend Johr

(Orig.: Carrickfergus, T.&M.: trad., dt. T.: Rich Schwab)

 

Ach wenn ich un du

Un du un ich

Un loss et nur e paar Nääch noch sin

Wat wööd ich schwimme

Övver Ozeane

Ejal wie deef öm bei dir ze sin

 

Doch dat Meer es jross

Un ich kann net schwimme

Ich kann nit fleje

Han kein Flüjele stonn

Un et jitt kei Schiff he

Öm mich met ze nemme

Leevje zo dir öm friedlich heim ze jonn

 

Ich sinn dich vür mir

En unsrer ahle Strooss

Un all die met denne

Ich allein nie wor

All die Pänz all die Frönde

Die jottverdammte Blos

Jetz sin se fott wie Schnee vum letzte Johr

 

Also treck ich wigger

Ich muss wigger streune

Dat Jras es deef un ömesöns de Naach

Ach jetz doheim sin

Jet Rouh han un dräume

En dinger Ärm un wisse du bes wach

 

Jott wat han se sich nit all de Muul zerrisse

Verzallt jetraatsch jo sujar jedruck

Wie ich dat besje Jeld usem Rahm jeschmisse

Jetz stonn ich he sing für dä nächste Schluck

 

Hück ben ich voll

Nöchtern ben ich selde

Un ich weiss nie wo ich morje ben

Ävver ich föhl mich mööd

Un dousend Johr älder

Un ich däät dich jään

Noch eimol sinn