En d`r Klammerjass

En d`r Klammerjass es et herrlich nass

Es et prächtich klamm en d`r Klammerjass

En d`r Klammerjass schwebst du engelgleich

Fällst du immer weich en d`r Klammerjass

 

Tom wor immer joot jelaunt

Hät nur schön Wedder usposaunt

Doch hä wor keine schlappe Schleimer

Denn hä kannt sing Pappeheimer

Bei jedem em Brand met keinem verfeindet

hatt sing Schulde enjemeindet

 

En d`r Klammerjass.....

 

Hatt nix jeliert probiert fass alles

kannt die Quadratur des Balles

wor nie lang en d`r Versenkung

hatt en Steuersaache Servolenkung

 

Kannt jede Schnapp em freien Handel

Kunnt „Soll“ en „Wat soll sin !?“ verwandeln

Sein Glaube hat ihn stets beflügelt

Weil singe Ömjang wor zentralverriejelt

 

En d`r Klammerjass

 

Un woren och manchmol de Wäng jet eng

Un sooss ihm och manchmol de Jack jet spack

Un wor och off sing joode Mien Routin`

hatt immer Spass en d`r Klammerjass

 

Doch hät hä jedaach hä hät Lauf

Dann kohm dä Ömjang tags darauf

Un heelt et Hängche sperrangelwick op

Do worReibach em rubbedidupp widder fott

 

En d`r Klammerjass es et herrlich nass

Es et prächtich klamm en d`r Klammerjass

En d`r Klammerjass schwebst du engelgleich

Fällst du immer weich en d`r Klammerjass