Höflich wie mer sin

Schwaadlappe kohm ahn

Heelt sich widder dran

Lüüscht Pudding an de Wände

Kamine ohne Ende

 

            Höflich wie mer sin

            Krääte keine rin

            Leete mer`n einfach stonn

            Kunnte jonn

 

Maggelmätes saat

Wat hä all billich hatt

verköuf der jlatt

Et Fottloch vun ener Ratt

Für zwei blaue Sching

Als Verlobungsring

 

            Höflich wie mer sin

            Krääte keine rin

            Krääte nur Boykott

            Wore fott

 

Kniesbüggel saat. Pros

Schamp sich och nit jross

Drink un wollt dann jonn

Hadderer noch en Rund usstonn

 

            Höflich wie mer sin

            Krääte keine rin

            Nur die Rund zum Abjewöhne

            Moote löhne

 

            Nä wat bin ich fruh

            Dat mir zwei esu

            Unerhört fröndlich sin

            Jrad wie ne Sonnesching

            Joot dat dat esu es

            Söns wöre mir zwei jewiss

            Als Serienmörder em Guiness-Buch

            Weil Aaschlöcher jiddederer jenuch