Kettesääch

Chriskind hätzlich Chriskind

Hür mir brennt jet op dr Siel

Verjiß dä neue iPod

Un verjiß dat Playmobil

Ich han eine Wunsch nur

Dä och janix kos

Ich schick dr och mi Sparschwein

Dofür met dr Himmelspos

Maach dat Papp un Mamm sich widder jään han

He op dr Ääd

Ich will nit dat se nur brölle

Ov vill schlimmer keiner jet säät

 

Maach dat Papp un Mamm sich widder bütze

Vür dr Naach

Chriskind et es su lang her

Dat mir all he han jelaach

De Hälfte vun all minger Saache

Däät ich jevve dofür

Dä Res dä jiste`m Schwesterche

Dat ich et nie mieh kriesche hür

Un wo de jrad dobei bes hätzlich Chriskind

Eins wör nit schlääch

Eins nur hätt ich doch jään

Nur die Spillzeuch Kettesääch

Nur die Spillzeuch Kettesääch