Ne supercoole Jung un en janz normale Räuz

Se hatte ene Fisterlom met ihrem Jazztanzlehrer, wat heiss Fisterlom,

ne Quickie nohm Training em Keller vum Freizeit- un Fitnesszentrum

vun hinge em Stonn, eimol en d`r Woch – ab dofür.

 

hatt et Taxifahre widder ahnjefange, weil singe 70er Jahre Duffkäätze-

un Räucherstäbchelade doch nit esu leef, wie sing Frönde ihm dat

prophezeit hatte.

 

Sie maat Künstlerbetreuung bei ner Infotainment-Show bei nem kleine Privatsender.

Die Show wor Driss, die Künstler miestens och un die Bezahlung – na ja...

Ävver se hat e Funkjerät.

 

wor e besje verdrüsch, öm nit ze sare verstockt. Dat miehste wor doch eijentlich klar, wat sollt mer do lang schwaade, daach hä immer.

Sickdäm hä ävver ne Handy hatt, dääte doch e besje mieh spreche. Jedenfalls, sulang hä et bezahle kunnt.

 

Irjendwie hatt se e Faible für Usjeflippte, ävver jetz wor se et langsam leid,

ihm immer widder Jeld ze pumpe. Jetz wollt se doch su langsam ens wisse, wie et wiggerjonn sollt.

Sickdäm hä naaks fuhr, dääten se sich koum noch sinn.

Se hatt e besje dat Jeföhl, als wenn se ihr Jeld verjesse künnt, un övverhoup, dat se ihm manchmol su e janz klei besje ejal wör. Se woren schon sick enem halve Johr nimmieh em Kino jewäs.

Wenn hä doch winnistens ens jet sare däät.

Se wor nit joot jelaunt, als se zum Training jing.

 

Eijentlich nohm hä nie Besoffene met, ävverwor su klamm un kunnt sich jetz nit ald widder Jeld vun ihr liehne, un die Fahrt wor joot: Königsforst.

Ävver die drei he em Ware, die woren nit nur breit, die dääten och su luure als hätten se reichlich Speed em Schädel. Su bombich jelaunt, su apokalyptisch joot drop.

hatt nur janz koot jezöjert, un  dann hätte se metjenomme.

Irjendwie hätte e Faible für Usjeflippte. Un usserdäm: Sollten die dann denke, hä hätt Angks ?  Wa ?  Ha !

 

Die Strooss, wo die drei hinwollte, joov et janit. wollt em Stadtplan nohluure, ävver do hattense ihn och schon en et Jebösch jezerrt. Dä Ältsde vun denne drei hatt wohl Jebootsdaach un sich vun denne andere zwei ne Taxifahrer jewünsch.

Un dann han se ihm sing Viskosesocke en de Muul jestopp un ihn richtich opjemisch.

Einfach su. Us Spass an d`r Freud.

 

Im Keller vum Freizeit- un Fitnesszentrum trick sei sich jrad ihr Latexbotz widder ahn.

Zum eezte Mol hätt ihre Jazztanzlehrer se jefrooch, ob se nit am Wocheeng met ihm noh St. Moritz köhm. Wie hä dat saat, moot se fass krieche.

Jetz woss se jenau, jetz hatt se die Power, öm heimzejonn un Schluss ze maache.

Ab dofür – durch die Hingerdüür.

 

hatt ene Handy. Un sei hatt e Funkjerät.

Dat kunnt jo nit jootjonn.