D`r Opa Willi es jestorve
D`r Papp määt jetz d`r Zinter Klös
Dat es nimmieh wie`t fröher wor
Ming Schwester, et Prinzessje
Dobei schmieß dat der Mamm ihr joode Brosch
Off en d`r Katzeklo erin
Un trotzdem weed se nur jebütz
Dat jitt mer jedesmol ne Stich
Gläuv dä Nikolaus eijentlich och an mich
D´r Papa muß vill arbeide
Övver et janze Johr
Ich däät ihm jään zeije, wie stark ich bin
Nur wenn ich dann ens eimol
Jet Läppsches ahnjestellt hann
Dann rööf hä mich en su nem Ton
Dä ich ja nit ligge kann
Un dann säät hä ich wör an allem schuld
Jläuv dä Nikolaus eijentlich och an mich
Ävver wenn ich jroß un stark bin
Kritte vu mir eine jezisch
Dann jläuv dä Nikolaus endlich och an mich
Et letz bei uns om Plätzje
Mer wör jo doof, wemmer noch jläuv
Dat et dä Nikolaus wirklich jitt
Ich saach: Paß op, ich zeich dir jet
Wenn de dat siehs, beste baff
Un mir mahten uns in et Jebösch
Un ich leet de Botz eraff
Un die Schröhm op mingem Föttche
Jöckten jämmerlich
Gläuv dä Nikolaus eijentlich och an mich
Ävver wenn ich jroß un stark bin
Kritte vun mir eine jezisch
Dann jläuv dä Nikolaus endlich och an mich