Ruse un Rään

De Strooßebahn es spät

Et waaden ald en Hääd

Do hingesüht us bes op die Höhnerbrus

Wie ihre dritte Ex dä Fuss

Wat wor do falsch jeloufe

Woröm deit et noch wieh

Wäm will se noch verkoufe en Uhr op Null jedrieht

Dat jeht leider nit mieh

Erinnerunge klääve un sin se noch su fään

Ze vill ewije Boustelle

Un en Siel voll Ruse un Rään

 

Kütt do hück noch en Bahn

Wat luurt dat ihn su ahn

Luurt eijentlich janz nett bestemp nit schlääch em Bett

Tja Jung un wat dann

kritt jede Woch noch Poss

Anwalt vun singem Schuss

Drei Johr nit mieh jesinn wor nit ihr Ding

Hät jetz op kein mieh Lus

Erinnerunge klääve

Un sin se noch su fään

Ze vill ewije Boustelle

Un en Siel voll Ruse un Rään

 

Manchmol sin se zum Dräme ze mööd

Un zum Entspanne ze waach

Surfen op ihrer Mikrowell jeder für sich

Durch jede lange Naach

 

Se jingken op ne Kaffee

Se kohmen en`t Jespräch

Sei wollt ziemlich vill wisse verzallt et all

Maat sich dann op dä Wääch

Doch eins moot se noch frore

Woröm su ehrlich wör

luurt ihr en de Auge säät dat es normal

Weil du bes mir ejal

Erinnerunge klääve

Un sin se noch su fään

Ze vill ewije Boustelle

Un ne Blick voll Ruse un Rään