Ze vill Jepäck

Dä Klein dä schlööf singe Halvbroder hooss

Sie wringk die Wadewickel us

Die Gipsy Kings spillen hück ohne sie

Selvs wenn se künnt se hätt kein Enerjie

 

            Stünd doch wie em Film einer do

            Nit nur dann wenn et Spass määt

            Künnt nit wie em Droum einer sin

            Dä do es wenn se Brass hät

 

Dä Klein dä schlööf singe Halvbroder rööf

hät schlääch jedräump un sieh Jlas es leer

Die Wäng sin zu eng nä se kütt nit vum Fleck

Wo immer och hin se hät ze vill Jepäck

 

Dä Mike wor ne Schoss ävver selvs noch e Kind

Un Manni en Kamell ävver immer breit

Jürjen kohm met dä Pänz joot parat

Ävver söns nit op Toure hätzensjoot un fad

           

            Köhm doch wie em Film einer ahn

            Jet Fisch jet Fleisch jet Hätz

            Nöhm hä sie doch en singe Ärm

            Un saat: Mir vier sin e Jesetz

 

Dä Klein dä schlööf singe Halvbroder och

Un sie es om Sofa enjenick

Zu nem Trip durch de Südsee met offenem Verdeck

Doch et es nur ne Droum se hät ze vill Jepäck